मुंबई : राष्ट्रवादी काँग्रेस (शरदचंद्र पवार) पक्षाच्या खासदार सुप्रिया सुळे आणि सदानंद सुळे यांच्या कन्या रेवती सुळे आज (20 जून) विवाहबंधनात अडकणार आहेत.सुप्रिया सुळे
मुंबई : राष्ट्रवादी काँग्रेस (शरदचंद्र पवार) पक्षाच्या खासदार सुप्रिया सुळे आणि सदानंद सुळे यांच्या कन्या रेवती सुळे आज (20 जून) विवाहबंधनात अडकणार आहेत. नागपूरचे प्रसिद्ध उद्योगपती अरुण लखानी यांचे सुपुत्र सारंग लखानी यांच्यासोबत त्यांचा विवाहसोहळा पार पडणार असून या सोहळ्याकडे राजकीय, सामाजिक आणि व्यावसायिक क्षेत्रातील मान्यवरांचे लक्ष लागले आहे.- सुप्रिया सुळे
लग्नापूर्वी गुरुवारी (19 जून) पार पडलेला हळदी समारंभ अत्यंत उत्साहपूर्ण वातावरणात साजरा करण्यात आला. कुटुंबीय, नातेवाईक आणि जवळच्या मित्रमंडळींच्या उपस्थितीत झालेल्या या कार्यक्रमातील अनेक सुंदर क्षण कॅमेऱ्यात कैद झाले. हळदी सोहळ्यातील रेवती आणि सारंग यांचे फोटो सोशल मीडियावर मोठ्या प्रमाणात व्हायरल होत असून नेटकऱ्यांकडून त्यावर शुभेच्छांचा वर्षाव केला जात आहे.
रेवती सुळे या सुप्रिया सुळे यांच्या कन्या असून त्यांनी शिक्षण आणि व्यावसायिक क्षेत्रात स्वतःची वेगळी ओळख निर्माण केली आहे. तर वर सारंग लखानी हे नागपूरमधील प्रसिद्ध उद्योगपती कुटुंबातील असून ते विश्वराज ग्रुपमध्ये कार्यकारी संचालक म्हणून महत्त्वाची जबाबदारी सांभाळत आहेत.
व्यवसायासोबतच सारंग यांना खेळाचीही विशेष आवड आहे. ते उत्कृष्ट बॅडमिंटनपटू म्हणूनही ओळखले जातात. उद्योग, क्रीडा आणि सामाजिक क्षेत्रातील त्यांच्या सहभागामुळे त्यांची स्वतंत्र ओळख निर्माण झाली आहे.
आज पार पडणाऱ्या या भव्य विवाहसोहळ्याला राज्यातील अनेक दिग्गज राजकीय नेते, उद्योगपती, सामाजिक क्षेत्रातील मान्यवर तसेच विविध क्षेत्रांतील प्रतिष्ठित व्यक्ती उपस्थित राहण्याची शक्यता व्यक्त केली जात आहे. त्यामुळे हा विवाहसोहळा राज्यातील चर्चेचा विषय ठरला आहे.
दरम्यान, लग्नाआधीच्या हळदी समारंभातील रेवती आणि सारंग यांच्या छायाचित्रांनी सोशल मीडियावर अक्षरशः धुमाकूळ घातला असून अनेकांनी या नवदाम्पत्याला आगामी आयुष्यासाठी शुभेच्छा दिल्या आहेत.
