जिंतूर (प्रतिनिधी) – सार्वजनिक शिवजन्मोत्सव सोहळा समिती, जिंतूर यांच्या वतीने छत्रपती शिवाजी महाराज जयंतीनिमित्त तालुकास्तरीय सामान्य ज्ञान स्पर्धेचे आयोजन करण्यात आले आहे. ही स्पर्धा शनिवार, दि. १४ फेब्रुवारी २०२६ रोजी दुपारी १२ ते १ वाजेपर्यंत आयोजित करण्यात येणार आहे.
छत्रपती शिवाजी महाराज यांच्या जीवनकार्यावर आधारित ही स्पर्धा बहुपर्यायी स्वरूपाची असून एकूण १०० गुणांची परीक्षा घेतली जाणार आहे. परीक्षेचे माध्यम मराठी राहणार आहे.
🏫 परीक्षा गट
- प्राथमिक गट: इयत्ता १ ली ते ५ वी (५० गुण)
- माध्यमिक गट: इयत्ता ६ वी ते १० वी (१०० गुण)
प्रत्येक सहभागी विद्यार्थ्यांची नोंदणी करण्यात येणार असून स्पर्धेत उत्कृष्ट कामगिरी करणाऱ्या विद्यार्थ्यांना आकर्षक बक्षिसे देण्यात येणार आहेत.
🎁 बक्षिसे
🥇 प्रथम क्रमांक: सायकल
🥈 द्वितीय क्रमांक: स्मार्ट वॉच
🥉 तृतीय क्रमांक: २,३६६ रुपयांच्या वह्या
शिवजयंती उत्सवाच्या पार्श्वभूमीवर विद्यार्थ्यांमध्ये इतिहासाची आवड निर्माण व्हावी आणि छत्रपती शिवाजी महाराज यांच्या विचारांचे संवर्धन व्हावे, या उद्देशाने या स्पर्धेचे आयोजन करण्यात आले असल्याचे समितीच्या वतीने सांगण्यात आले.
📍 संपर्क
शिवछत्रपती झेरॉक्स, पलसिद्ध कॉम्प्लेक्स, जिंतूर
📞 ९८८१८४४०३०
छत्रपती शिवाजी महाराज जयंतीनिमित्त तालुक्यात विविध सामाजिक व शैक्षणिक उपक्रमांचे आयोजन करण्यात येत असून, अधिक माहितीसाठी वाचकांनी ParbhaniWarta.in वर भेट द्यावी.
